吉列牛忌廉烏冬專門店 (百樂中心) (已結業)

百乐中心成栋都系餐厅，今次就嚟左吉列牛忌廉乌冬专门店。好几次晚餐时间嚟都无位，今次特登等佢中午一开门就到。咖喱忌廉鸡肉乌冬 $78忌廉乌冬因为系咖哩有微微辣，但真系好少好少，所以同我一样唔系好食得辣嘅朋友都可以叫嚟试吓。一嚟到已经系满满的忌廉盖住入边的咖喱鸡肉同乌冬。即刻心念，惨啦 咁多忌廉，肯定好溜。点知食落又唔系㖞，忌廉同咖喱汁搅匀之后，好似中和左咁。另外，鸡肉都好滑。美式顶级牛里脊套餐 $178本身想叫吉列牛，但系见到佢有只肉质更加好的牛里脊，即管试试佢啦。套餐有顶级牛里脊、大啡烤菇同秘制酱汁。牛里脊上枱的时候，已经烤到大约三成熟，咁我哋可以因应自己的喜好再决定煎到几成熟。大啡烤菇上面有层薄薄的芝士，煎到芝士溶咗就食得。咸蛋薯条 $38 咸蛋薯条配左黑松露酱。咸蛋薯条系真材实料用咸蛋黄去炸，食到一半见到一嚿嚿嘅蛋黄系入边。