麻甩雞

营业中

休息中

好耐未嚟过大埔墟呢边，今日落雨于是谂住买外卖返屋企慢慢食。无骨海南鸡<半只> $90 - 一打开盒真系有啲吓亲，鸡嘅份量好多之余，我最爱嘅腌萝白都有好多，每份鸡都有配3只酱料<姜蓉/酸辣酱/甜豉油>，睇返佢地嘅介绍，发现酸辣酱同豉油都系佢地自家制造，第一次觉得海南鸡嘅豉油系咁好食，酱汁好有惊喜！！！鸡件皮滑肉嫩，好好食，成功登上我最爱嘅海南鸡top3之一。口水鸡翼<3只>$24 - 鸡翼已经一开二，方便食用，而且应该因为已经切半所以更加入味。脆香鸡软骨 $40 - 炸得好香口，而且完全唔油腻，即使拎到返屋企冻左都仲好好食。可惜今日生菜包已经卖完，下次一定要试到。