影片
更多
2008-10-12
43 浏览
知道佢嘅存在唔系因为被阿「蔡sen」吹一吹，而系佢本身都长期晌本地饮食杂志系咁买广告，兼送9折扣优惠券！有朋友试过佢个二人优惠套餐话抵食，又几得，所以一心走去试吓！个套餐有成7样嘢食，加埋嘢饮，份量又好够，而且部份菜式又有得拣，几就番晒香港人心态：又多又有得左拼右砌。1. 咖喱饭 / 牛扒饭 / 鳗鱼饭 / 普通拉面：任拣两款，之前朋友话个咖喱饭得好少，鳗鱼饭就好正，所以要咗鳗鱼饭同普通拉面。个鳗鱼饭果然正㖞，烧得油润甘香，珍珠米粒分明好咬口，反而个拉面就少少失望，其实佢系普通嘅叉烧拉面，猪骨汤底，失望在于D面腍晒身。2. 明太子沙律 / 蟹籽沙律：钟意蟹籽多D，咬落去卜卜口感，所以要蟹籽沙律，细细一兜仔，够我哋一人一啖，味道都系咁啦！3. 牛油炒草菇：又系细细碗，不过草菇细细条，炒埋都有几多，但系似乎牛油味唔系好够，唯一系觉得佢好够镬气！依度D师傅都有用中式镬哩炒嘢。4. 虾饺子 / 饺子：饺子又系佢哋人气嘅推介，贪人嘅我梗系要虾饺子啦，一客有5只，而且每只饺子用原只草虾哩整，卖相几讨好架，皮都好薄，可惜上枱时唔多够热辣辣，扣咗好多分！5. 炸蚝 / 刺身：想试炸物，睇睇佢哋做成点，
1. 咖喱饭 / 牛扒饭 / 鳗鱼饭 / 普通拉面：任拣两款，之前朋友话个咖喱饭得好少，鳗鱼饭就好正，所以要咗鳗鱼饭同普通拉面。个鳗鱼饭果然正㖞，烧得油润甘香，珍珠米粒分明好咬口，反而个拉面就少少失望，其实佢系普通嘅叉烧拉面，猪骨汤底，失望在于D面腍晒身。
2. 明太子沙律 / 蟹籽沙律：钟意蟹籽多D，咬落去卜卜口感，所以要蟹籽沙律，细细一兜仔，够我哋一人一啖，味道都系咁啦！
3. 牛油炒草菇：又系细细碗，不过草菇细细条，炒埋都有几多，但系似乎牛油味唔系好够，唯一系觉得佢好够镬气！依度D师傅都有用中式镬哩炒嘢。
4. 虾饺子 / 饺子：饺子又系佢哋人气嘅推介，贪人嘅我梗系要虾饺子啦，一客有5只，而且每只饺子用原只草虾哩整，卖相几讨好架，皮都好薄，可惜上枱时唔多够热辣辣，扣咗好多分！
5. 炸蚝 / 刺身：想试炸物，睇睇佢哋做成点，就拣咗炸蚝。依个真系唔错，粉浆系炸物嘅灵魂，佢哋都做得够薄，蚝相信都够新鲜，因为蚝味都几突出，一客仲有成4件添，无拣错。
6. 串烧 / 烧鱿鱼：轮到个烧物，三心两意添，因为想食串烧鸡翼鸡软骨，但又见隔离枱嘅烧鱿鱼好正咁，卒之要咗后者，因为原条鱿鱼烧，好大条，平时都好少食。配照烧汁哩烧，好够味，最重要系D鱿鱼咬落唔韧，唔错！唔错！
7. 饮品有果汁酒、汽水同啤酒，唔使讲，贪新鲜梗会试吓D果汁酒啦，一罐白桃味，一罐巨峰味（即系提子），矮矮细细咁一罐，酒精度唔高，易入口，贪过瘾不妨一试，味道就一般，个人觉得白桃好过巨峰！
其实话就话2人套餐，我哋3个人食（2女1男），无额外加嘢都够㖞，点都叫食日本嘢，有拉面有饭、又有烧物、炸物……平均每人都系$83（用埋9折扣优惠），你话抵唔抵喇！整体质素都唔错架，只不过，讲味道好似个拉面咁，又真系未至于好似「蔡sen」咁讲到全港最好食嘅北海道拉面。佢标榜最正宗北海道拉面，小弟未去过北海道，就算去过亦未必知点为只最正宗，但系都明白食嘢好个人化嘅，有人钟意食爽口嘅苹果，点知又有人钟意食「粉」嘅苹果，总之食得开心就得啦！
张贴
