Chop Chop 食神叉燒 (宏安道) (裝修中)

外卖有原个砂窝煲仔饭，Gimmick满分，送到上门打开仲热都值得一赞！不过日本肥牛窝蛋煲仔饭 $120只蛋已经全熟（我都明比只生蛋又好似唔合卫生，系我有不切实际既期望，但我叫窝蛋真系谂住有得捞蛋汁...）而另一主要食材日本肥牛系牛肉粒，肉质偏韧，呢个仲要系全餐厅最贵果款，加啲紫菜同洋葱就变东洋风？真系令我非常失望！另一款煲仔饭系北菇腊肠鸡 $80，卖相吸引好多，望落都觉得多𩠌！不过我无食到，朋友话正正常常。另外叫份食神腩叉烧 例牌 $119，望落半肥瘦，肉质唔错，但唔知系咪因为底有层油定蜜糖，食落好痴牙！味道又无乜特别，所以大家都对呢个招牌叉烧兴趣不大。*以上价钱为堂食原价，外卖平台 价格有加有减，但因为朋友落单，所以忘记确实价钱。