閨•家 (西九龍中心) (已結業)

曾经食过北角分店既闺家，回味无穷，但平时收工真系好少去北角。今次嚟到深水埗，餐厅大排长龙，试下味道如何先。招牌猪扒饭两块好大块金黄色嘅猪扒，揼得好松软，好容易就咬得开，而且腌得好入味，送饭一流。手刴香煎莲藕饼 + 甘荀面莲藕饼外层稍为煎香，每啖都咬到爽口既莲藕。甘荀面既面条好长偏软身，都几唔错。虫草花百合无花果煲猪展最值得一试既系每日唔同既老火汤，鲜甜滋润得嚟饮得出无落味精，煲足4个钟，系诚意之作。手拍青瓜蒜蓉酱好惹味，食落有少少辣但系绝对接受得到，份量都唔少。⭐️ 炸馒头外层香脆热辣辣，配埋炼奶真系锦上添花。简单既小食都整得好有水准，绝对会再翻兜呢间餐厅。