意八餐廳 (已結業)

晏就2:30已经好多街坊攞定筹等食3点先开始入席既下午茶餐，羊群效应下我同朋友都想试下。我叫左个柚子鸡翼+pizza餐，连热饮系$28，+$7有特饮，拣左玄米抹茶啫喱冰。食物好快上台，但实在O嘴说好既一件pizza原来只得四分之一块啰，就连伴碟既车厘茄拼埋连半粒都无呀份量实在少得可怜。鸡翼味道还算ok，有少少柚子味，少量芝麻洒面够香口，但鸡翼同pizza都唔够热，pizza仔同便利店买既无分别，一d诚意都无 呢个餐系揾笨之选。特饮有半杯冰粒够消暑，极少抹茶及玄米味，没有粒粒玄米只有劲多啫喱，幸好甜味适中。至于朋友拣既焗猪扒饭系正常下午茶既份量，热辣辣焗出黎，有劲多芝士铺面，猪扒够腍够入味。