Cafe Paradise (杏花邨) (已結業)

前排去开杏花邨买运动用品，就系呢度附近揾食，行落地库发现都有唔少餐厅，见到有一间餐厅有旋转木马觉得好吸引，所以就去啦。喺一个地库入面见到有旋转木马上面仲有唔少公仔，顿时觉得自己啲童真都返晒嚟。见到餐厅都几阔落，唔使等位就直接可以入到去，入面都有唔同类型嘅西餐。见到隔离枱好多人都嗌咗石板烧，餐牌见到价钱都平过其他同类型餐厅，所以就嗌咗一份120蚊纽西兰牛柳，再加30蚊就有埋沙律汤，饮品同埋甜品。朋友好想食饭，所以就嗌咗一个64蚊嘅和风豚肉铁板饭，畀多十蚊仲可以叫埋个咖哩角食。大概五分钟之后已经送上沙律同埋餐汤，大概食完之后冇几耐朋友嘅猪肉饭都已经到，佢话猪肉肥瘦好均匀，所以铁板上面嘅猪油都可以拎嚟捞饭，令到啲饭唔会变得干争争，而且充满猪油香，而且肉味亦都好足够，所以唔洗好快就已经食晒。说时迟那时快，我嘅石板烧都到，石板同铁板一样好够热，即使食到最后一刻仍然都可以保持热度，牛扒一嚟到嘅时候大概系三至四成熟，可以透过自己嘅需要将佢加热，肉质都唔错，再加埋佢本身嘅薯角而且都好够饱。咖哩角送到上嚟嘅时候仍然系十分热到冒烟，而且脆卜卜。最后店员送上甜品，系一个青柠味嘅啫喱，上面嘅匙羹都有特别装饰，