影片
更多
2021-05-26
304 浏览
上环苏杭街出名多cafe，今次介绍既呢间cafe，系上年四月开业，主打高质精品咖啡，最出名系佢地拿手既3D立体拉花咖啡，图案仲有好多选择。餐厅门面系湖水绿色，上次食喇沙都有经过见过依间餐厅门口好靓，一边环境行工业风，除咗可以见到有几个酒柜，提供唔同年份唔同产地嘅红酒、白酒、气泡酒，可以配合唔同嘅嘢食，仲见到唔少Ironman 既figure，装修唔马虎几有特色，钟意marvel嘅人有福，餐厅主要播住欧美歌曲，边食边听几写意。虽然佢叫Friday cafe，但我系星期六先有机会试呢间餐厅。餐厅喺两点半之前都系午餐嘅餐牌，叫咗一个意大利饭同有👍既油封鸭髀试下。-1️⃣ 油封鸭脾配提子红酒汁伴炒杂菜 💰158（👅: 7.5/10）鸭脾嘅肉整到非常嫩，鸭肉好易骨肉分离，轻轻用叉好易就可以分开啲肉，食落食得出鸭肉嘅味，但唔会话食到骚味，啲肉都唔会话好肥腻，佢隔离仲有个提子红酒汁，点左更加惹味，有小小油香味，不过如果鸭肉同鸭皮可以再入味啲，唔使靠红酒汁会更好。隔离嘅配菜都丰富，有炒杂菜、椰菜花、薯仔、茄子等等，都有炒香过同有调味，几钟意薯仔同茄子，食落有少少咸味。-2️⃣ 森林牛肝菌汁大啡菇意大利饭 💰1
上环苏杭街出名多cafe，今次介绍既呢间cafe，系上年四月开业，主打高质精品咖啡，最出名系佢地拿手既3D立体拉花咖啡，图案仲有好多选择。
餐厅门面系湖水绿色，上次食喇沙都有经过见过依间餐厅门口好靓，一边环境行工业风，除咗可以见到有几个酒柜，提供唔同年份唔同产地嘅红酒、白酒、气泡酒，可以配合唔同嘅嘢食，仲见到唔少Ironman 既figure，装修唔马虎几有特色，钟意marvel嘅人有福，餐厅主要播住欧美歌曲，边食边听几写意。
虽然佢叫Friday cafe，但我系星期六先有机会试呢间餐厅。餐厅喺两点半之前都系午餐嘅餐牌，叫咗一个意大利饭同有👍既油封鸭髀试下。
-
1️⃣ 油封鸭脾配提子红酒汁伴炒杂菜 💰158（👅: 7.5/10）
油封鸭脾配提子红酒汁伴炒杂菜
$158
10 浏览
1 赞好
0 留言
鸭脾嘅肉整到非常嫩，鸭肉好易骨肉分离，轻轻用叉好易就可以分开啲肉，食落食得出鸭肉嘅味，但唔会话食到骚味，啲肉都唔会话好肥腻，佢隔离仲有个提子红酒汁，点左更加惹味，有小小油香味，不过如果鸭肉同鸭皮可以再入味啲，唔使靠红酒汁会更好。
隔离嘅配菜都丰富，有炒杂菜、椰菜花、薯仔、茄子等等，都有炒香过同有调味，几钟意薯仔同茄子，食落有少少咸味。
-
2️⃣ 森林牛肝菌汁大啡菇意大利饭 💰118（👅: 8/10）
森林牛肝菌汁大啡菇意大利饭
$118
14 浏览
1 赞好
0 留言
比起牛油封鸭脾我更加钟意意大利饭。牛肝菌汁味到几香，渗入意大利饭每一寸，同意大利饭配合得好好，调味适中唔会过咸。
意大利饭都有一定程度嘅硬度，唔会话太过湿润太过腍，有一定程度嘅湿润但唔会湿到烂晒，唔会有过多嘅水份，意大利饭咬落几烟韧，中间仲夹杂着啲杂菇，食落唔单调而且几有菇香，比起意大利饭我觉得上面嘅大啡菇更出色，调味得好而且有轻微烤过黎，食落入味。
-
3️⃣ 3D Chocuccino +💰45（👅: 8/10）
❗️星期一至六1400-1900提供
呢度系呢间cafe招牌3D拉花，就算唔饮咖啡既人都可以试，因为随左cappuccino同mocha，可以拣chocuccino(朱古力)，拣完下面饮咩可以拣拉花图案。系menu上见到有9个选择，比较人气既系布甸狗同双猫拉花，menu以外既上网有见过可以4只猫既拉花添，想要求menu以外既图案唔太复杂应该都可以。
我就拣左松驰熊，因为好似无见过松驰熊既拉花，而且似既话会好CUTE。店员上枱时可以见到松驰熊非常动L，唔似其他cafe既拉花郁几下就会沉左落去，呢个系会回弹。
3D Chocuccino
$45
32 浏览
1 赞好
0 留言
松驰熊非常之似同可爱，好似望住你咁，完全唔舍得饮，而且细致地方系佢唔止得个头仲有个身，可以见到佢有后脚，姿势就好似趴系个朱古力上面望住你咁，而且系有上色既3D拉花，会系身、鼻、耳仔同眼分开上色，非常细心，呢样系其他cafe好难见到，要挑剔既可能系佢个颜色比起真既松驰熊浅色啲。而且要赞既系呢杯拉花就算摆到差唔多食哂主菜，佢都无完全塌哂落去，只系塌左小小。
至于朱古力饮落系比较普通既朱古力，朱古力唔算浓比较淡，所以都唔会太甜同太苦，不过醉翁之意不在朱古力，净系上面拉花既技术同功夫已经值回票价。
-
4️⃣ Ice Lemon Tea +💰0（👅: 7.5/10）
Ice Lemon Tea
7 浏览
1 赞好
0 留言
饮落系一杯正常嘅冻柠茶，茶味足够，甜度正常，柠檬够酸，夏天就系要饮返啲冻野。
-
🌟
餐厅嘅环境唔错，如果系好天嘅时候，近餐厅嘅两三枱都可以渗到日光，影相就更加靓。餐厅卫生程度都可以，系餐具同餐枱都唔会话见到污迹，另外入过去厕所都几企理，唔会话污糟。
食物质素我觉得系正常cafe质数，价钱喺中上，周末去餐厅未到坐满哂，几适合两个人或者一班人喺度叫嘢食倾吓计，店员都唔会话赶时间赶人走，店员服务态度都唔错，上菜速度都几快。当然今次嘅重点就系佢嘅招牌3D拉花，持久力实在系我去过咁多间最强一间，久久都系屹立不倒，而且像真度非常高，如果好钟意打卡嘅人好值得黎，或者住附近嘅人都系一个几好嘅选择，留意如果太早或者太夜未必有3D拉花。嘢食方面如果唔系食午餐餐牌，黑松露野菌意粉、忌廉蟹肉意大利饭、白汁海鲜千层面、黑松露薯条、脆烧德国咸猪手都系人气之选。
-
👅味道: 8/10
🍴环境: 7/10
💰消费: $323 (服务费: 10%)
张贴
