當文歷餅店 by Dominique Ansel (已結業)

以前呢间舖开张时大排长龙，今时今日开左关反而无乜人帮衬，就只有几个人系入边坐。买左个芒果麻糬软包$32，食完既感觉非常失望。首先外观上有暗绿色既元素已经变得唔吸引，应该因为想要模仿芒果形状，但反而变得令人感觉唔想食。而面包本身比较干同有少少硬，而且有种被压到变实既感觉，而且食唔出小麦同油香，面包方面明显比起街边10蚊有找果d质素更差。 相信因为佢太多果酱，想要防止面包太湿而整一个咁干既面包出黎。至于个馅，简直系超求其既设计。劲大pat既果酱就咁样塞系入边!我觉得我好似不断将大量果酱塞入口，个感觉超恐怖。 果酱应该系一个点缀，因为佢口味突出，但唔系香气既来源，唔应该当奶冻咁样食。 起码都应该要沟落cream做馅啦，用黎分散人既味蕾对甜味既注意力，更有层次。重有啊，个馅与其叫芒果，我觉得应该叫做热情果啰。跟著个麻糬，系完全无弹性，拉唔到丝果种，唔知道存在上有咩意义。总结就系呢个地方只系挂上一个大师名号，但出品d根本唔讲究组合既成品。 唔怪得只系卖32蚊。