影片
更多
2019-07-09
100 浏览
日本菜就试得多，法国餐厅香港都有好多，但系做fusion菜既餐厅唔多，做得好嘅更加少啦，今次要同朋友庆祝生日，就拣咗呢一间日法fusion食fine dining 既餐厅，一入到去就比佢入面既装饰吸引左，里面用左唔同既捕梦网去装饰，而枱面上面仲有一个用蒲公英做标本嘅水晶球做装饰，令到成个气氛好梦幻，侍应安排左我哋坐低之后呢，就递上左个Menu，仲同左我哋介绍佢哋有五位创办人去点解会做呢一间餐厅，佢哋都想用梦呢个主题去创造食物，带比客人喺梦入边寻找美食。我同朋友都拣左「6 shades of Flavour」，其中有两款系surprise dish，侍应话𠮶两个特别嘅菜式系主厨想俾个惊喜客人，用当时得令嘅食材创造一啲令到客人有惊喜嘅菜式。前菜 Cream cheese pancake, DIY bread and butter首先上既系pancake小点，外形小巧，食落阵芝士味浓，而且烟肉好香。之后再上既就系由一个麻布袋装住既自家制面包同牛油，仲keep住暖暖地,牛角包酥脆软熟，另一款就有蒜香，点埋好香既牛油一齐食，味道好夹！主菜1.Pan Seared Hokkaido Scallop
我同朋友都拣左「6 shades of Flavour」，其中有两款系surprise dish，侍应话𠮶两个特别嘅菜式系主厨想俾个惊喜客人，用当时得令嘅食材创造一啲令到客人有惊喜嘅菜式。前菜
Cream cheese pancake, DIY bread and butter
首先上既系pancake小点，外形小巧，食落阵芝士味浓，而且烟肉好香。
之后再上既就系由一个麻布袋装住既自家制面包同牛油，仲keep住暖暖地,牛角包酥脆软熟，另一款就有蒜香，点埋好香既牛油一齐食，味道好夹！
Cream cheese pancake, DIY bread and butter
1 浏览
0 赞好
0 留言
1.Pan Seared Hokkaido Scallop
第一道菜就系烤北海道珍宝带子,侍应话个带子系7成熟,而面头系三文鱼子，而上面既汁系用左芥末同柠檬去调味，贝壳下面放既系开心果仁碎再加竹炭条，旁边既蟹仔系用左酱油蟹既做法。
我地先食带子，带子有弹性，加埋三文鱼子有啲咸甜感，而下面果仁粉暖暖地既，非常香，食落又唔会太干涸，而竹炭条好似曲奇咁既味道，蟹仔有种咸香，脆卜卜，好似小零食咁，易入口。
Pan Seared Hokkaido Scallop
2 浏览
0 赞好
0 留言
Pan Seared Hokkaido Scallop
2 浏览
0 赞好
0 留言
第二道由厨师即席创作，外型用左龙虾壳去装饰，原来里面系一道用左松叶蟹制成既蛋沙律。旁边用左水蜜桃同野莓汁做点缀，侍应教我地可以试下沙律既原味，再加上旁边既酱汁一齐食。蛋沙律既面头有水蜜桃的果粒，同埋d松叶蟹肉一齐食，好清新，微微既酸甜味，非常开胃！
Surprise dish松叶蟹蛋沙律
1 浏览
0 赞好
0 留言
第三道菜就系用左波士顿龙虾既虾尾黎慢煮，系虾上面系芥末既奶油汁，下面既酱汁就系三椒汁，分别用川椒，青胡椒同黑胡椒制成。而虾头上面既泡沫系分子料理打既菠菜泡沫，左手系炸香既山葵菜，右面系新鲜既青胡椒(唔建议食，因为比较辣)。龙虾肉质好爽口，加埋酱汁有微辣醇厚既口感，加埋菠菜泡层次又多左变化，好似有阵牛油香味，夹埋旁边既山葵菜有啲回甘。
Lobster Tail
7 浏览
0 赞好
0 留言
第四道菜就系慢煮既日式矶烧鲍鱼，侍应先系石春上放上鲍鱼，然后系石春上淋上玫瑰露，形成左一道蓝光，观感非常吸引，再等鲍鱼吸收左玫瑰露酒既香味，再将鲍鱼放落昆布高汤到上碟，鲍鱼咬落好冧好入味，而且高汤既咸度刚刚好，好配合到鲍鱼既鲜味。
Surprise dish日式矶烧鲍鱼
5 浏览
0 赞好
0 留言
Surprise dish日式矶烧鲍鱼
4 浏览
0 赞好
0 留言
而第五道就系日本生鱼片等级既鳕鱼，底下系蕃茄沙司，用左切碎左既红葱头去配搭，同埋藏红花蛤蜊奶油酱一齐食，带出到鱼肉滑溜，并带有鱼油香。
Japanese Cod Fish
7 浏览
0 赞好
0 留言
而第六道菜就系鹿儿岛A4级牛柳再加牛肝菌炒杂菜，鸡油菌蘑菇黎炒杂菜有唔同口感，有啲脆脆地既野，而且好嫩既有豆苗好惊喜。
至于牛柳既肉质系好软好稔，点左松露和牛牛肉汁都唔会比佢抢左味，睇起黎生，但食落完全接受到，唔会有血，好有牛味。
Kagoshima(+$198)
6 浏览
0 赞好
0 留言
甜品有两款选择，我地想食哂，就要求要两款不同既，分别系Chocolate Trio同Coconut Sweet。
Chocolate Trio
姐系朱古力三重奏，分别用左朱古力豆既制作过程去区分，由朱古力豆去磨成碎粒，再变成粉既过程，第一个系榛子朱古力冻糕，上面系朱古力雪糕黎，第二个系朱古力香蕉蛋糕，估唔到甜甜既香蕉同带有少少甘味既朱古力又几夹，最尾系法国朱克力牛奶，70度浓郁既朱古力奶，饮落好sweet好幸福。
Chocolate Trio
10 浏览
0 赞好
0 留言
Chocolate Trio
3 浏览
0 赞好
0 留言
另外一碟甜品，主要既有三层味道组成，有朱古力椰壳，椰丝慕丝，同黑朱古力，朱古力既味道中夹杂椰子既清新，食落仲有椰丝有趣既口感，好有层次。另外仲有蛋糕同白朱古力粒，柚皮，蓝莓之类系外围，其中白朱古力既口感最有趣，入口即化，好似糖霜粒咁，成个甜品都好似一次对舌头既未知挑战！
Coconut Sweet
5 浏览
0 赞好
0 留言
食完甜品当然有小许茶点同茶作结啦，我同朋友分别点左Breakfast tea 同Earl grey 茶，再配搭左提子干曲奇同菠萝干朱古力，曲奇好厚实，好香肉桂味，而菠萝既酸甜因为变左干更加突出，配合低调既朱古力好新鲜
Mignardises & Coffee or Tea
1 浏览
0 赞好
0 留言
张贴
