玉子造屋 (已結業)

系附近番工，同同事一个星期最少黎食2次午饭，依度较静又坐得舒服，职员亲切有礼，最钟意食烧鲭鱼&鸡丝炒乌冬，有时亦会食下旋风蛋饭，因为觉得卖相好靓。但我哋以后唔会再黎帮衬，原因是咁的：今日像平时一样过黎食午饭，点咗鲭鱼set lunch, 食物依然好味，但好似系换咗个著黑色衫男主管，唔见亲切细眼肥哥哥，我坐系玻璃窗角落位，已离Open kitchen 算远，进食期间不到半小时，就听到个黑衣主管好大声地呼喝Open kitchen 内的员工至少2次，声大又无礼貌，街市佬咩？？？当时食紧饭既人全部望向厨房，而且有刚放学既幼稚园小朋友，真系会吓一跳，我本人觉得好反感，觉得成间餐厅质素low晒。仲有咁既人管理，员工肯定被逼吸收好多副能量，个个木口木面，点会做出好既食物，可悲！！！