民豐粉麵行

营业中

休息中

因为就快新年，个个都走黎买汤圆，排咗１小时３０分先买到，先讲吓点解要排咁耐，唔系太多人，但系点解慢得咁紧要呢？因为佢地跟本唔够人手包，冇存货，虽然有职员已经喺现场包（包括不同口味汤圆及饺子），但系每个客人买唔少，一个人买６，７盒系平常事。排队其间买咗黑芝麻糯米糍$5一件， 好粉，黑芝麻好干身，唔钟意食，  韮菜饼$13（又加咗１蚊价），少量人排队，够多油，够多馅几好食，同上次食的口感一样，，要２点先开始煎，早过呢个时间冇得食。又再试埋上海粢饭$14（又加咗价），阿姐包到唔停手，　包完一件即刻有人买走，都几好食，肉松够多，有油条同炸菜。舖头细，但同一时间好多人买野，搞到好迫，各式粉面一斤斤咁买，蒸包（未熟的，上次买番屋企试过喇＄８一个，今次唔买），同场加映贺年糕点及炸物，冇试。买咗黑芝麻汤圆（＄２８一盒）返屋企即煮黎食，有弹性口感，芝麻味够浓，原来啲皮有油，所以煮出黎有油浮面。