壽司郎 (麗新商業中心)

营业中

休息中

大家都应该知道这间寿司连锁店成日都要排，闲闲地地要排一粒钟以上，但又吸引好多人甘心去排㖞，而我.....睇当日心情啦! 今日就真系好想好想食佢，所以食完Lunch无几耐，明知自己食唔到几多，但都要去排队食，真系癫咗。结果.....唔驶排一粒钟，但都排了50分钟，但吃了半𠮶钟都无，三碟寿司加一甜品，大家话我系咪傻呀.... 又拎又点，先有剑鱼腩寿司($17)，肉质洁白，挺肥美，又鲜味，正!再来一客𩽾𩾌鱼肝军舰 ($17)，切件粒状，睇落和食落都无咁吸引，味道都唔算好鲜香，紫菜亦唔算好脆，有啲失望。香葱赤虾($12)虽然只有一件，但只赤虾的确好有份量，仲又爽弹又有黏性，好新鲜，配上炸过的香葱丝，又好夹㖞! 抹茶是我最爱，点都要食返件抺茶红豆瑞士卷($22)，茶味都几浓，而且忌廉好香滑，吃𠮶时伴少少甜美的红豆就够了，如果𠮶蛋糕口感松软啲就更好。样样都有质素，又经济实惠，难怪咁多人甘愿排排排啦!