金祥排骨麵

营业中

休息中

星期六午饭时段嚟到西环好出名嘅排骨面店，前面有五六个人，排咗大概廿分钟先有得入。眼见人人都系点排骨面，但原来有排骨粗炒所以点咗排骨汤面同粗炒各一。菜胆云吞排骨汤面先上枱，上海面面质几好有少少烟韧，汤就比较清淡无咩味精。上海云吞好味，好似屋企食到嘅味道。即点即炸嘅排骨系另上，排骨炸到金黄色卖相好靓。炸粉唔算厚食落酥脆，但唔会过份油腻。食落无松肉粉味，再加上一边食一边听到厨房嘅揼猪扒声，我估真系无落松肉粉。排骨粗炒等咗一阵先有得食，大大块排骨放喺粗炒上面卖相好吸引。粗炒比起一般上海粗炒浅色同埋少油，食落比较淡味，系走健康路线嘅上海粗炒。上海粗炒份量好大，所以最后食唔晒，下次都系叫返汤面好啲。排骨面嘅主角-排骨的确几出色，值得排队一试。但始终都系食咗十几年嘅大埔炸猪扒面最好味。