PAN de PAIN Pancake & Sweets (K11購物藝術館)

营业中

休息中

成日见门口好多人排队，望到都却步，今日终于dick起心肝去试下喇。门口依然好多人排队，但排落又唔洗太耐，排左半个钟就入得喇。餐厅无特别话限时，但要齐人先入得，都合理既~个全日早餐份量其实有d少，平时食开呢个价钱既全日早餐应该系double份量。虽然d野食同个价钱唔衬，但唔睇价钱，d野食都ok。我就好欣赏只流心蛋，将块甜既pancake沾上d咸咸地既蛋液，系几正既~d烟肉都岩岩好，唔会太㶶，个脆皮肠都好食。个梳乎里好望落都算厚身，但其实佢好空气感，食落口好空虚，好似食紧泡泡，食完无食过咁款，但都几好味。卖相方面，如果可以好似个餐牌咁多d糖霜喺面，咁就靓好多喇!多士好好味，好香脆，糖丝都好加分，卖相更加系一丝不苟，整得好靓。