三不館車仔麵 (廣福道)

营业中

休息中

平时米线果d食得多，都有一排冇食车仔面。记得大埔有间车仔面个装修行怀旧风，虽然都唔系咩新兴风格，但都系令人印象深刻既装修。下昼点几两点黎到，门口有七、八人喺度等紧。愈黎愈怕排队既我，加上呢个大热天时同埋餐厅既位唔算多，本身都想打退堂鼓。不过，次次都系咁就次次都冇得食吧，又有几可可以唔系个个要既排队既时间黎食面？喺附近既铺头行左阵，番到黎剔埋纸就差唔多。餐厅楼底够高，佢地利用左呢个高度，将冷气装到好高，所以冷气既可以度数低少少，又可以均匀咁散落黎，又唔会有边个位吹到冻疆，唔错。车仔面都系胜在平快靓正，剔左纸一阵就到左。我拣左萝卜、猪颈肉、牛腩同鸡翼，一次过试多几样送跟腩汁粗面。车仔面汤原本就唔系日本拉面咁样讲究汤底，可能我叫左牛腩，所以腩汁多d，都几味。萝卜冇渣，口感好，虽然香同甜就一般，但唔系某d铺头果d糖水萝卜，唔错。猪颈肉比想像中好食，味道整得非常唔错，够咸够香，又唔会太林。鸡翼大大只都入味，系正常既瑞士鸡翼。 牛腩同猪颈肉一样，比想像中好食，够林够味，林得黎又有番牛腩带烟韧既口感，唔错。面底正常，份量都系正常。呢个价钱，呢个质素，好评。