柴門西餐廳

营业中

休息中

之前屋企人带我食间柴湾小店，今日同屋企人旧地重游，餐牌改左，于是嗌左两款午市套餐。同上次一样，食物仍然高水准，无令我失望，甚至有惊喜，原来牛舌都可以腍、厚、嫩并存。职员仍然服务亲切，而且餐厅好周到，上次去系常温水，但可能考虑到呢排天气冻，系斟热水。除此之外，亦有进步之处，上次前菜个面包好味还好味，唔系热o既,，但今次系热架，而且又软熟。环境咁困难，问过佢地每日只有三个半钟堂食 (1200-1530)，地理位置唔系购物区，见佢咁苦苦经营却仍然可以高质，希望佢可以支持倒落去。即使再一般的菜式或食材，用心做都可以令人惊艳。以呢个价钱，交足功课，甚至可以话超额完成。