影片
更多
2020-10-16
317 浏览
今日去土瓜湾探个喺度做嘢嘅朋友，每次去土瓜湾揾呢个朋友，都会同佢去附近嘅酒楼饮茶，今日朋友就介绍去一间新开嘅酒楼，位置喺马头围道海悦广场2楼,佢话呢轮同啲同事都系去呢间酒楼帮衬，咁就去试吓，朋友先去攞位，上到去见到装修都靓，有个黑色衫嘅女知客同我讲欢迎光临，入门口之前佢要我先探热然后带我去我朋友张枱度，呢区嘅酒楼来讲有咁好笑容同服务态度真系好少见，希望佢哋保持到呢种态度。坐埋张枱度朋友已经开咗普洱茶同埋洗干净左啲碗碟，等我落单叫点心，今日因为都肚饿所以都叫咗好多嘢，叫咗虾饺、萝卜糕、虾米煎肠粉、山竹牛肉同埋碧绿带子肠粉、朋友极力推介佢哋只清远走地鸡咁就叫咗半只试吓，点心嚟到，先嚟咗煎虾米肠同萝卜糕，个虾米肠好滑同埋好多虾米，唔似出边𠮶啲虾米肠得个少少虾米，个萝卜糕好香萝卜味同埋热辣辣,跟住山竹牛肉同碧绿带子肠都嚟咗，个山竹牛肉好有牛肉味, 碧绿带子肠虽然啲带子细粒但都好有带子味同埋一碟有八粒带子值得推介，跟住黎埋虾饺同清远走地鸡贵妃鸡，个虾饺皮薄啲虾肉好爽，只走地鸡系我近呢一两年来觉得最好食嘅鸡，只鸡嘅肉质有咬口又好香鸡味仲要佢哋跟咗少少鸡肾同鸡干，食完到埋单嘅时候先知道朋友知我家两老
坐埋张枱度朋友已经开咗普洱茶同埋洗干净左啲碗碟，等我落单叫点心，今日因为都肚饿所以都叫咗好多嘢，叫咗虾饺、萝卜糕、虾米煎肠粉、山竹牛肉同埋碧绿带子肠粉、朋友极力推介佢哋只清远走地鸡咁就叫咗半只试吓，点心嚟到，先嚟咗煎虾米肠同萝卜糕，个虾米肠好滑同埋好多虾米，唔似出边𠮶啲虾米肠得个少少虾米，个萝卜糕好香萝卜味同埋热辣辣,跟住山竹牛肉同碧绿带子肠都嚟咗，个山竹牛肉好有牛肉味, 碧绿带子肠虽然啲带子细粒但都好有带子味同埋一碟有八粒带子值得推介，跟住黎埋虾饺同清远走地鸡贵妃鸡，个虾饺皮薄啲虾肉好爽，只走地鸡系我近呢一两年来觉得最好食嘅鸡，只鸡嘅肉质有咬口又好香鸡味仲要佢哋跟咗少少鸡肾同鸡干，食完到埋单嘅时候先知道朋友知我家两老钟意食鸡，所以佢静鸡鸡去收银买咗一只外卖俾我拎返屋企俾两老今晚做𩠌，两老今晚食完之后都话只鸡超级好食，仲叫我下次带佢哋去呢间酒楼度食晚饭，今日真系多谢朋友嘅介绍，希望呢间酒楼可以保持住呢种服务态度同食物嘅质素，下次带两老去食晚饭嘅时候再写食评同大家分享。
张贴