唐包點

营业中

休息中

今晚探夜班，顺理成章买埋饭去食啦。唐包点见过好多人食，见佢会好整齐包包纸似食汉堡包。今晚买饭外，买个「中式汉堡包」啦。叉烧包 $7.5有1/3叉子咁厚，都有小女子手掌咁多啦。包左纸好高级咁，哈哈。纸既关系都环保。一半包肉一半叉烧，抵食！叉烧有少少肥位，都接受到。因为净瘦肉就无咁香口，所以有d油位都好。包好好软，点解咁讲？转头就知。香菇鸡包 $7.5我带左返屋企做第二日早餐，叮返热个包都仲keep到软，真功夫！香菇鸡包有黑芝麻系认住佢。一开包好清香冬菇味道，鸡肉都够一日之晨既能量！咖啡鸡饭 $28质素拍得住大快餐店，佢价钱仲要平好多！咖哩都带香浓，唔算太多油，可以加辣点更好。鸡肉块同薯件都有几件。鱼香茄子饭 $28依个𩠌最紧要够饭，唔系点混汁清碗呢，嘻嘻！茄子无话系外卖店而煮得马虎，软身入味。辣就唔会，多油少少，肉碎又多多唔会干净净。香米软硬度岩岩好，好食，系扁身个只。足料糯米鸡 $25真系足料大份，成只鸡翼系入面！仲有几多冬菇肉碎，又唔会太咸唔错！糯米成呎厚，好饱肚。基本上食佢就一餐都得，share既都可以当点心。