皇室冰廳 (已結業)

之前朋友介绍咗我去一间几有香港风味特色嘅冰厅食晚饭，就系呢一间喺长沙湾嘅皇室冰厅啦！呢间餐厅嘅环境装修比较简单，真系好有香港嘅风味！但系食物质素绝对系有保证！今次就叫做佢哋嘅招牌鲜茄焗猪扒饭！呢个焗猪扒饭真系好大份，用炒饭底非常有诚意！而且上面嘅蕃茄亦都系酸酸甜甜，非常开胃！再加埋厚切嘅猪扒，真系食落去非常满足！另外仲叫咗一份鱼香茄子煲！呢一度嘅鱼香茄子煲亦都系份量好足！鱼香嘅味道非常丰富，上面嘅肉碎再加埋茄子一齐食，口感同埋味道都好好！茄子亦都煲到好林！好入味！