茶理史 (已結業)

假日全日都想留喺屋企🤣🤣 所以就嗌外卖返嚟饮啦 叹番个下午茶都好呀🫢 我哋嗌咗茶理史嘅饮品返嚟 芋香鲜乳地瓜小芋圆少冰 正常甜 本身以为芋香会系有啲芋头粒喺入边 点知原来系一啲紫色嘅芋香 一饮落口奶味好重 用饮管轻轻搅拌 芋头味就好出喇 地瓜小芋圆味道有啲似奶黄 个人就觉得佢唔够烟韧🥲腐竹白玉奶茶无糖 其实嗌无糖都有少少甜味㗎 对比起地瓜小芋圆 白玉口感较佳 饮肥仔水最紧要有珍珠呢啲烟烟韧韧嘅嘢吖嘛🧋 饮落口呢个腐竹白玉真系有一片片腐竹喺入面㗎竹炭铁观音白玉奶茶半糖 竹炭嘅味道我就形容唔到喇 但系呢杯铁观音奶茶茶味都好香浓 啲杯都叫特别啲嘅嘢饮嚟㗎🥰 就咁望佢嘅颜色似墨水 茉莉白玉奶绿半糖 啲杯就比较普通 饮落都好饮嘅 但系就比较似其他舖头都饮到嘅货色😺饮完之后 个人最钟意就系腐竹白玉奶茶 可能系因为入面有腐竹做配料 感觉比较特别啦😋