黃埔小廚

营业中

休息中

之前屋企楼下嘅黄埔小厨搬咗去家维邨附近 今日我哋去咗试下佢哋新舖嘅quality坐底冇耐店员为我哋送上例汤 当日系青红萝卜猪骨汤 啲猪骨好淋好好食当日我哋好想食海鲜 所以叫咗避风塘炒蟹 只蟹都几大只厚肉 个避风塘蒜蓉碎炒得辣辣香香 味道偏辣 但系非常惹味香口 蟹肉非常新鲜 食落爽弹鲜甜黄金鲜鱿 新鲜炸起 外味香脆 鱿鱼口感烟韧爽弹 面头系椒盐 食落咸咸香香 送啤酒一流鲜菠萝脆皮咕噜肉 咕噜肉个皮做得几好 食落薄而脆 唔似坊间有啲咕噜肉食落系淋啤啤 每粒咕噜肉都包裹满酸酸甜甜嘅咕噜汁 而用嘅肉都系爽弹 所以食落几香口 伴碟仲有系新鲜菠萝 新鲜菠萝非常鲜甜Juicy 可以解油腻感另外仲叫咗一锅蚝仔粥暖下胃 蚝仔粥非常足料 尤其每粒蚝仔都好大粒 畀手指公仲要大粒 所以食落口感好丰富 而且鲜甜冇腥味 一锅份量好大 可以一大班人食 另外佢仲有一碗碗嘅份量嗌