新寶馬茶餐廳小廚

营业中

休息中

第一次踏足坪州，经过呢间人气雪糕菠萝包店，而且又冇人排队，就入去一试，除咗雪糕菠萝包，仲有好多唔同款式，都系菠萝包入面夹住唔同嘅馅料，今次试咗两款菠萝包，分别系最出名嘅雪糕菠萝包，同埋猪扒菠萝包。雪糕菠萝包入边夹住两球经典3色雪糕（云呢拿士多啤梨朱古力味），菠萝包表皮够脆，少暖，好似冰火2重奏咁，但又好夹。另外猪扒菠萝包入面猪扒份量比较少，唔够食晒全个包，入面仲有酸姜同少许沙律酱，猪扒吾太脆，少少juicy，咬口亦吾太韧，呢个包中规中矩。佢个拌碟好特别，系菠萝碟，衬返佢哋嘅招牌菜，挺有心思。餐厅限时45分钟，基本上食得比较赶，staff 会走过来催还枱，仲坐紧喺度嘅时候已经开始执走晒所有嘢。