Castle Cafe (已結業)

荔枝角有好多工业大厦，今日同朋友 喺 D2 Place睇完戏行番出黎大街揾食，行行下经过纱厂工业大厦，见到一间叫「Castle Cafe」嘅餐厅就入去试下。我系常餐怪，因为「贪心」，钟意食通粉又钟意食包，一个常餐就可以一次过满足我两个愿望。嗌左个常餐。粟米火腿蕃茄浓汤可选配意粉/螺丝粉/通粉/米粉。我拣左通粉。火腿通粉热到辣嘴！份量多，一个人食唔晒🙈。再喺以下四样拣一样：香煎猪扒/美式鸡扒/脆香鸡翼/烟三文鱼。我拣左烟三文鱼。另外喺以下三样拣一样：牛油多士/牛角酥/奶油脆猪。我拣左奶油脆猪。奶油脆猪不错👍🏻！脆得黎唔会硬唔干身，重好软熟～👍🏻常餐配餐汤或热饮。今次嗌左杯热即磨斋啡☕️。啡香飘逸，不禁大吸特吸，闻完立即精神抖擞！睇睇餐厅原来午餐日日嘅菜式都唔同。我星期六去帮衬就睇番星期六果栏，嗌左「薄烧双倍纽西兰西冷牛扒蒜蓉汁」。可选配饭/意粉/螺丝粉/薯条。我拣左意粉🍝。块扒好大块，超足料！意粉份量已经够多，块牛扒重要大到差唔多遮晒成个意粉！倒埋蒜蓉汁落意粉度一齐食，为意粉添上水份，食落唔会干，更易入口。午餐配餐汤或热饮，拣左餐汤——罗宋汤。酸酸地好开胃🤤。同朋友吹下水坐坐下又2:30p