天 · 悠蔬食 (已結業)

上星期六原本打算去荃湾嘅Green Common食晏，因为太多人等位，所以最终去咗悠蔬食。前菜＆汤品 南瓜粟米雪耳桃胶忌廉浓汤 配脆法包 青木瓜甘笋花生雪耳汤 配孜然薯仔藜麦沙律自选主食 蒲烧玉子淮山蓉素鳗鱼 配日本珍珠米 （$98）第2次叫呢个饭黎食，素鳗鱼一如以往咁好食，味道甜甜哋，但今次𠮶饭嘅底部比较湿，好彩珍珠米仍然可以保持口感，唔唔会好烂。 大啡菇野菜炒乌冬 配杂锦天妇罗 （$98）起初我以为天妇罗同炒乌冬会好似餐牌上嘅图一样，系分开上，点知原来系直接铺系面头，卖相即时扣咗分。天妇罗份量好少，得2件，分别系南瓜同茄子。炒乌冬嘅味道好似干烧伊面。自选饮品 柠檬蜂蜜 （热） 韩风芦荟柚子蜜 （热）加配甜品宇治抹茶之旅 （+ $30）上次黎食唔到（因为当时餐牌上写住尖沙咀店限定），今次终于可以系荃湾店食到。碗入面有抹茶蕨饼、黄豆粉蕨饼、抹茶寒天、白玉丸子同士多啤梨粒，旁边有黑糖浆调味，加咗黑糖浆后好味好多，有黑糖味之余，又唔会盖住原本嘅抹茶味。