Holy Gaw

营业中

休息中

今次系我第一次嚟到呢间系湾仔嘅Holy Gaw食饭！收咗工之后谂住自己揾个餐厅静静地食下野，呢间餐厅真系最好不过！餐厅环境好简约，成个感觉都好舒适！而且呢度嘅食物菜式种类虽然唔算好多，不过睇得出系好用心！我自己叫咗一份Gaw’s 卡邦尼意粉！呢个意粉真系食得出嘅用心，首先呢个酱汁同我哋一般食到嘅好唔同，呢度系用咗鸡蛋，鹅肝酱，芦笋！所以令到成个酱汁嘅颜色同埋味道都完全唔同，我自己好钟意呢度嘅鹅肝酱！令到成个意粉嘅味道更加香浓，而且呢个意粉好好食，好爽滑弹牙！所以整体嘅感觉都好好，估唔到菲律宾菜再加埋咗少少香港嘅特色！烹调出嚟嘅食物系咁好食，下次都要再试吓唔同嘅款式先得！