影片
更多
2020-09-06
4814 浏览
又喺星期六嘅行山日，无办法啦，封场搞到波无得踢，行山就喺另一大「劳动」嘅兴趣。今次唔再晌附近行，趁好天气，跟朋友走远啲去到粉岭沙头角，行鹿颈一带，但都拣条轻松啲嘅，由鹿颈行到去谷埔附近，再折返，平路多，丁点山路，计埋啲打卡时间来回大概2.5小时，算好轻松，沿途都有点靓海景。最后，返到近鹿颈附近，拣咗晌「发记士多」打趸叹抖兼食晏，贪佢人少啲，又对到海景。先介绍吓环境先，晌呢啲地方食嘢，小弟就觉得环境一环颇重要，因为食物点好都唔会做到龙飞凤舞咁。晌铺面就一眼睇晒，虽然喺「士多」咋，但都花咗啲心思，尤其部分露天位，大大张藤椅，配合大伞加上树荫，好有渡假感。唔知大家有无留意，佢个场每样嘢都好新簇，枱櫈呀，胶帘呀，都唔会残残旧旧，地方非常整洁，予人观感好好，而且，餐厅尾装咗两部「窗口机」，估计太热嘅时候，拉起晒啲胶帘，开埋冷气成个场就爽晒。虽然今日都几热吓，但又几好风，加埋吹风扇都够凉。再者，依家疫情虽已大大缓和，拉起晒啲帘通通风仲好。上文讲过拣呢度都喺因为有啲海景睇吓，所以，我哋就专登拣咗藤椅后面张1号枱，望住个海。点解唔索性坐藤椅？一来吹唔到风扇，二来食嘢真喺唔太方便，斋饮嘢就得。介绍吓有乜
先介绍吓环境先，晌呢啲地方食嘢，小弟就觉得环境一环颇重要，因为食物点好都唔会做到龙飞凤舞咁。晌铺面就一眼睇晒，虽然喺「士多」咋，但都花咗啲心思，尤其部分露天位，大大张藤椅，配合大伞加上树荫，好有渡假感。
唔知大家有无留意，佢个场每样嘢都好新簇，枱櫈呀，胶帘呀，都唔会残残旧旧，地方非常整洁，予人观感好好，而且，餐厅尾装咗两部「窗口机」，估计太热嘅时候，拉起晒啲胶帘，开埋冷气成个场就爽晒。虽然今日都几热吓，但又几好风，加埋吹风扇都够凉。再者，依家疫情虽已大大缓和，拉起晒啲帘通通风仲好。
上文讲过拣呢度都喺因为有啲海景睇吓，所以，我哋就专登拣咗藤椅后面张1号枱，望住个海。点解唔索性坐藤椅？一来吹唔到风扇，二来食嘢真喺唔太方便，斋饮嘢就得。
介绍吓有乜嘢食，晌门口有个牌写住啲推介，每日限量嘅烤沙头角吊桶仔，冰菠萝（唔喺茶记𠮶啲菠萝冰呀）。
其他食物，主要就有三文治、多士、公仔面、港式小食、茶记热饮同埋汽水，绝对喺大路嘢。不过，嚟得呢度食嘢，就唔好同市区啲茶记、快餐店比，定价肯定贵一截，当喺支持吓呢类乡郊小店。
顺带一题，士多里面仲放咗啲「那些年」我细个时嘅零食，虽然只得几款，就算唔买，回忆吓都几过瘾。
枱面贴咗张提示，到士多里面点餐，食完后将餐具送放到去回收区，简单嚟讲就喺无乜招呼。从观察所见，由落单、煮面、到送餐嚟都喺一位阿姐一脚踢包办晒，虽然，都见到两位老人家帮吓手，估计喺其父母，但都喺坐晌度「座镇」吓居多。
此外，一切餐具都喺自助，就放晌铺前右边。虽然喺咁，但落单时阿姐会问你坐几号枱，之后，煮好会送嚟俾你，仲连埋基本餐具。
绿宝橙汁、麦精 $12好怀念呢啲旧式雪汽水嘅冻柜，依家卖少见少，难得老细「还原」士多模样，整番部摆晌度座镇。所以，原来想饮忌廉，即时转汰拣绿宝啦。
顺带一提，店家嘅饮管用上「小麦吸管」，估唔到就算喺家乡间士多都咁支持环保，抵赞架。不过，吸管好幼身吓，啜起嚟感觉无咁有感。
而绿宝橙汁，老实讲，绝对喺怀旧吓大于好唔好饮嘅考量，绿宝算喺死甜嘅橙味糖水嚟。
五香肉丁煎蛋出前一丁 $38老婆今日都破少少戒拣多咗肉，无办法啦，几款食材都喺肉，五香肉丁相对无咁加工（比起火腿、餐肉、肠仔），就以五香肉丁配煎蛋（要加熟，但可选太阳蛋）。份量都几十足，俾够两只蛋，五香肉丁估计都有半罐份量，连啲罐头内嘅辣油都唔嘥，倒咗唔少落去，加重「五香肉丁」风味，真喺不得了。其实，整个组合都无得点输，但加咗咁多辣油，老婆怕太油，结果同我交换咗个面底嚟食。
火腿餐肉出前一丁 $38为咗试唔同款式嘅食材，小弟就拣咗火腿搭餐肉配出前一丁（可拣福面或福米），同样份量无欺场，火腿都应该喺用白猪仔。火腿、餐肉都煎得香口，表面仲有啲焦脆感，啲面又煮得刚好。搭埋老婆啲煎蛋、肉丁，小弟碗港式「四宝面」真喺食得我好饱。
上文提到碗筷自助收拾，帮忙回收，我哋都好乖、好合作，食物残渣倒去厨余隔，碗筷就放晌胶盆内。
有时行山后嘅食评都会分享少少行山风景，由于今次嘅景都几靓，又唔难行，值得分享一下。
结论，去到乡郊，如果你想悭钱嘅，一喺就自己带食物嚟野餐，一喺索性搭番车出市区食个午餐、茶餐。否则，慢活一下，坐晌度吹吹海风，食个餐蛋面，可以讲喺港人嘅浪漫，兼且，支持吓呢一类乡郊嘅补给站。
张贴
