彩福皇宴 (已結業)

今晚约咗朋友去铜锣湾食饭，之前去过彩福皇宴饮茶，觉得几好食，座得又舒服，就建议去呢度。酒楼装修过，格局清新明亮，Happy wedding系酒楼嘅装修主题，影相位都几多，大堂又濶又大，冇柱位，的确系好适合摆酒😄酒楼虽然好多位，但系枱同枱嘅空间布局都唔觉好挤迫，我哋叫咗几款小菜同甜品。侍应姐姐好有礼貌，又有笑容，好快就开咗茶俾我哋👍🏻松子蜜桃青瓜虾球，卖相好吸引，虾球大大粒，金金黄黄，面层有沙律酱同松子仁，食落脆脆地，虾肉弹牙👍🏻脆皮南乳鸡，鸡皮烧得香脆，但鸡肉依然好嫩滑，点埋南乳酱一齐食，Good👍🏻煎焗陈皮豚肉粒，食得出肉质夹杂咗陈皮嘅香味，炸得唔干，有肉汁😋我哋仲叫咗个烧汁杏菇豆卜豆腐煲，豆卜吸收哂酱汁的味道，好入味，杏菇好多，鲜甜爽口😋叫埋甜品啱啱好，我哋都钟意食甜品，所以叫咗几款杨枝甘露有好多柚子肉同芒果粒，西米唔多，够清甜😋金箔芝麻卷食落好爽，有好香浓嘅芝麻味😋竹燕椰汁糕椰汁味配合得刚刚好，唔会太浓，好香滑😋大寿包就当然唔少得莲蓉同整个嘅蛋黄啦，包皮又唔黐口😋