糖朝 (已結業)

本来店舖喺广东道，可能不敌贵租，而家已经搬左去乐道地库。当日庆起想食小菜，又见新开番就去食啦，点知就赖野…我去𠮶日应该系开番第一/二日，d装修都未拆晒，最重要系d员工系劲迷茫咁，落错单不特止，仲要对住唔识听广东话嘅游客系咁讲广东话，「呢个系通菜，通菜，通菜呀…」野食有1/4都系未有得供应，我唔知其他铺头新开系咪咁，你未ready就唔好格硬开啦…百冇…我记得佢直情系话个焗炉未得啰…味道方面，叫左个扬州炒饭，叮定嘅，唔够热，灰沙拉骨，正常水准，不过不失椒盐鲜鱿，好食！粉唔太厚，呢个冇得叮定啦，够晒香口兼冇难度！甜品喺冇得拣嘅情况下叫左个麦提沙糯米滋，可能已经食到冇乜期待，又估唔到佢几好食！外面口感烟烟un un，里面真系一粒麦提沙，外软内脆！值得一试！