摩登堂 (荃灣廣場) (已結業)

难得终于约到朋友聚旧， 见大家都会经过屯马线， 就拣咗一间喺荃湾西站附近 荃湾广场 入面嘅泰国菜试下🐰🐰🐰👉🏻泰式串烧 (沙嗲猪肉串、炭烧鸡肉串) 呢两款串烧好有泰国风味。泰式沙嗲猪肉串嘅酱汁香浓，带啲微辣，肉完全吸收咗酱汁嘅味道。至于炭烧鸡肉串外层微焦，炭烧嘅香气好吸引，配埋啲花生酱，好夹。👉🏻手打月亮炸虾饼 （6件） 手打炸虾饼外脆内软，虾肉食得出好弹牙烟韧，厚度好够，食落去有种满足嘅虾肉鲜味。可以加啲泰式甜辣酱，增添嗜辣感觉。伴碟仲有啲迷你泰式虾片，每一啖都好过瘾。👉🏻和牛船面金边粉 因为唔想食得太辣太重口味或者太油腻， 所以拣咗船面🐰呢碗和牛船面，和牛肉质滑嫩，脂肪分布得刚刚好，食落去口感丰富，而且份量都几多。汤底清甜唔会太咸，配上弹牙嘅面条，整体味道均衡，唔会过于油腻。因为用上和牛，令到成个船面多咗一份高级感🐰👍🏻 仲有啲菜同埋肉丸，几惹味🐰🐰🐰👉🏻大虾菠萝海鲜炒饭 大虾菠萝海鲜炒饭嘅精髓 当然系佢嘅肉松topping, 、仲有提子干同埋烧菠萝、 好睇又好食🐰🐰🐰👉🏻芒果糯米饭雪糕估唔到芒果糯米饭雪糕 有两球芒果雪糕 咁多🐰❤️ 同朋友share 啱啱好❤️👉🏻元祖泰奶茶 少甜