善茶 (已結業)

今日到尖沙咀食饭，食饱饱醒起善茶，于是行去望下有咩饮先。见佢出咗三款秋冬推介，由于太夜饮奶茶惊瞓唔著，所以㨂咗杯热嘅姜蜜自家制薏米水。顾名思义自家制，姐系自己煲嘅，姜蜜会暖胃，杯饮品可以去湿。问一问店员系咪洋薏米煲架，姐姐一如既往礼貌咁答系生熟薏米一齐煲，所以中性无咁良。杯饮品到手暖暖的，入面有薏米咬下，同埋热嘅都几姜下。杯野无再额外加糖，所以甜度对我嚟讲岩岩好。原来热饮杯嘅插图咁有香港特色。虽然好近k11,但要行入棉登径先见到，总算好找。希望佢哋继续坚持落去，将推广本土文化嘅初心继续传承。香港已经唔多咁有心嘅小店，希望好嘅事情唔好消失。香港加油。