影片
更多
2024-08-03
303 浏览
先前去完台北仍然意犹未尽，揾到呢间来自台湾嘅排队名店，今次红到嚟香港！本身对呢间餐厅冇乜认识，所以上网 search 下发现肉多多标榜好感度冠军，创立宗旨系欢乐多多，系一间卖服务，充满欢乐嘅餐厅！佢不但系台湾网民都知嘅台式火锅连续三年嘅好感度冠军，仲系十大超夯台式连锁锅物冠军！趁同朋友庆生嘅机会，一于嚟试下，有餐厅附送俾寿星会员嘅生日肉蛋糕，朋友十分惊喜，令到成餐饭更开心🥰🥒前菜 餐厅有几款前菜可以自取，有中华沙律、甜萝卜同百香果萝卜，都几开胃，个人特别钟意百香果萝卜。锅底拣咗鸳鸯锅💥招牌爆炒海味石头汤🪨呢度嘅招牌汤底，以麻油为底，加入几种海鲜、酱汁同培根猪爆炒，汤头海鲜味重且有啲鲜甜。🔥猴腮雷台式麻辣汤食台式火锅冇理由唔食麻辣，呢种辣度系香辣𠮶种，唔会话好辣，会食到佢嘅辛香料味，味道唔错，而且重点系鸭血同豆腐可以无限添加😋😋😋鲜蔬宝盒蔬菜种类劲多，有几款菜、菇、萝卜、鱼片同豆腐。肉瀑布感觉超澎湃，肉瀑布头两层系顶级霜降牛，肉质软嫩又唔会好油腻。下面两层系比利时橄榄猪，猪味本身已经浓，唔沾酱都好味。好彩多得店员介绍，原来嗌咗肉瀑布，可以用优惠价就加鲜蔬宝盒、刀削面同卤肉饭，抵好多。刀削
先前去完台北仍然意犹未尽，揾到呢间来自台湾嘅排队名店，今次红到嚟香港！本身对呢间餐厅冇乜认识，所以上网 search 下发现肉多多标榜好感度冠军，创立宗旨系欢乐多多，系一间卖服务，充满欢乐嘅餐厅！佢不但系台湾网民都知嘅台式火锅连续三年嘅好感度冠军，仲系十大超夯台式连锁锅物冠军！趁同朋友庆生嘅机会，一于嚟试下，有餐厅附送俾寿星会员嘅生日肉蛋糕，朋友十分惊喜，令到成餐饭更开心🥰
🥒前菜
餐厅有几款前菜可以自取，有中华沙律、甜萝卜同百香果萝卜，都几开胃，个人特别钟意百香果萝卜。
锅底拣咗鸳鸯锅
💥招牌爆炒海味石头汤🪨
呢度嘅招牌汤底，以麻油为底，加入几种海鲜、酱汁同培根猪爆炒，汤头海鲜味重且有啲鲜甜。
🔥猴腮雷台式麻辣汤
食台式火锅冇理由唔食麻辣，呢种辣度系香辣𠮶种，唔会话好辣，会食到佢嘅辛香料味，味道唔错，而且重点系鸭血同豆腐可以无限添加😋😋😋
鲜蔬宝盒
蔬菜种类劲多，有几款菜、菇、萝卜、鱼片同豆腐。
肉瀑布
感觉超澎湃，肉瀑布头两层系顶级霜降牛，肉质软嫩又唔会好油腻。下面两层系比利时橄榄猪，猪味本身已经浓，唔沾酱都好味。
好彩多得店员介绍，原来嗌咗肉瀑布，可以用优惠价就加鲜蔬宝盒、刀削面同卤肉饭，抵好多。
刀削面比平时食嘅薄，今次跟咗餐厅标示嘅嘅拌面攻略去捞，本身都饱，因为个拌面酱都完食咗🤣
卤肉饭超好食！同台湾食到嘅一样，仲有啲软骨增添口感，个饭仲要用返珍珠米，几有诚意。
炸花枝丸
有成6粒咁多，即炸出嚟热辣辣几香口。
下港白糖粿
有啲似炸麻糬咁，食落甜甜地，有软软糯糯嘅感觉，白糖粿外面加上黑芝麻几香，一上台趁热食最正。
打边炉唔少得响铃卷同油炸鬼，配麻辣锅不得了。
🎂生日肉蛋糕
同餐厅讲朋友生日，叫朋友做咗会员送嘅，肉蛋糕排得几靓，肉质都唔错。
最后唔少得甜品，有爱玉、仙草同雪糕自取。爱玉同仙草食落几滑，而且个甜度啱啱好。
食完饭到最后仲可以出门口嘅夹公仔机玩下（消费每$100可兑换一个代币），朋友仲劲到一次夹到，寿星果然有luck！
张贴
