碼頭故事 (已搬遷) 新店位置

呢间火锅店味道正宗，麻辣锅相当够味，蘸料都系四川火锅标配既香油碟，什菌汤底就鲜美柔和。佢既菜品都非常新鲜，同埋摆盘超级惊艳。用碎冰堆出小山既形状，「山顶」摆一个小杯，插左花点缀，仲落左干冰制造出烟雾既效果，鸭肠摆系冰上，粉粉嫩嫩，一睇就好有食欲。鸭肠烫左之后口感爽脆，入晒麻辣汤好足味。安格斯肥牛牛味十足，不过就系觉得食得唔够过瘾，需要食多几份鱼滑装左系铺左碎冰既小竹桶入面，有种古朴既质感，味道就正正常常。功夫薯仔片同青笋片切得好薄，落左之后一定要好快捞上来食，不然就溶晒啦。豆皮同红薯粉都好推荐，豆皮新鲜滑嫩，唔会有通常个种比较柴既口感。薯粉就非常之有弹性，吸晒汤汁味道令人好满足。总括来讲，呢间四川火锅味道唔错，性价比都算高，值得一试。