影片
更多
2019-03-25
181 浏览
孖宝车仔面，我细细个就食过。不过系葵芳果间。作为葵广常客，呢个名真系充满少女回忆，大个左已经好少食，结果前两日晏就放lunch，无啦啦见到我地荃湾都开左间孖宝！本身我同同事都无留意呢间野，但佢门口每隔5米就摆一个易拉架，仲要搭左个好似青衣戏棚咁嘅棚架，我地真系吓亲，再睇真啲，哗左出声。19蚊一碗？！三𩠌？？？包埋野饮？！唔系呀嘛？？我地二话不说就入左去食，可能由于太平，小店入面都满座，我地要等一阵先有得入去。趁等候时间睇睇个menu，都系啲车仔面正路嘢。一间车仔面好唔好食，就一定要食三样嘢，猪红、萝卜同埋佢个汤。整体黎讲，猪红有事先处理过，够熟同够味，萝卜始终唔算当造，有少少老，不过唔苦。个韮菜饺就普通左啲，皮太厚，啲馅又唔够料。个秘制汁甜甜地辣辣地，汤底黎讲就真系无文x果啲突出，不过都几惹味，何况19蚊你仲想点？值得赞下系啲姐姐几友善，我等位果阵佢仲主动叫我企入啲唔好晒亲，虽然中午时间好繁忙，但佢地都无乜怠慢客人，我都食得几开心，何况19蚊仲想点！同埋由于太平，我一星期食左两次。第二次就试左咖哩鱿鱼、猪红同卤水豆腐，豆腐都几入味，不过咖喱鱿鱼另上同埋太冻，我个个唔太喜欢！Btw佢话原
不过系葵芳果间。作为葵广常客，呢个名真系充满少女回忆，大个左已经好少食，结果前两日晏就放lunch，无啦啦见到我地荃湾都开左间孖宝！
本身我同同事都无留意呢间野，但佢门口每隔5米就摆一个易拉架，仲要搭左个好似青衣戏棚咁嘅棚架，我地真系吓亲，再睇真啲，哗左出声。
19蚊一碗？！
三𩠌？？？
包埋野饮？！
唔系呀嘛？？
我地二话不说就入左去食，可能由于太平，小店入面都满座，我地要等一阵先有得入去。趁等候时间睇睇个menu，都系啲车仔面正路嘢。一间车仔面好唔好食，就一定要食三样嘢，猪红、萝卜同埋佢个汤。
整体黎讲，猪红有事先处理过，够熟同够味，萝卜始终唔算当造，有少少老，不过唔苦。个韮菜饺就普通左啲，皮太厚，啲馅又唔够料。个秘制汁甜甜地辣辣地，汤底黎讲就真系无文x果啲突出，不过都几惹味，何况19蚊你仲想点？
值得赞下系啲姐姐几友善，我等位果阵佢仲主动叫我企入啲唔好晒亲，虽然中午时间好繁忙，但佢地都无乜怠慢客人，我都食得几开心，何况19蚊仲想点！
同埋由于太平，我一星期食左两次。第二次就试左咖哩鱿鱼、猪红同卤水豆腐，豆腐都几入味，不过咖喱鱿鱼另上同埋太冻，我个个唔太喜欢！
Btw佢话原来佢地就系葵芳果间分店，唔怪得有种熟悉嘅味道！佢地话为左开业宣传下就做呢个价，叫做益下街坊㖞。我就觉得今时今日仲食到19蚊一餐有啲感动，我会支持呢间有心嘅小店！
张贴
