周師傅點心 (已結業)

周师傅点心@深水埗北河街铺头唔系好大，坐落喺深水埗MTR附近，一出站都几易揾到...店外写上特色推介点心...店内则有图文并茂嘅点心介绍...好吸引呢~呢度仲有几种创意点心，值得order黎试下...脆皮马拉糕($23)单凭外表未必察觉佢嘅特别之处，但当我一啖咬落去，脆脆嘅外皮，内里松软嘅马拉糕，多一重口感，感觉新颖!XO酱炒萝卜糕($34)微辣嘅XO酱+萝卜糕，香口得黎又唔油腻~蒜蓉蒸开边虾饭 ($35)即叫即蒸，蒜香扑鼻，赞!!! 绝对系必点之选!周师傅虾饺($16/2个)我地人少少，一份2只虾饺就刚刚好! 虾饺晶莹透薄，虾肉亦算爽口弹牙~红酒牛肉球($21)同一般食开嘅山竹牛肉球有少少唔同，呢度强调以红酒腌制，唔洗点喼汁都够味!四宝鸡扎 ($26)即使系传统点心都有稳打稳扎嘅质素! 以腐皮包住一块鸡肉、一块火腿、一块猪皮及一件冬菇，猪皮索满肉汁，尽是精华所在!