仙桃居

营业中

休息中

本人好少野系坚持到，但响应支持黄色经济圈必定要做到。最近如要外出食饭，肯定拣黄店食，虽然平均轮候既时间比较长，但听到既都系人话，对保持身心健康都系有帮助。龙门冰室我就食得多，上星期去左试仙桃居既早餐，排左大概半个钟，叫左鲜茄猪扒米线，半椰吐同台式饮品（走甜）。$52蚊一个餐，唔算平，个汤冇想像中浓，但鲜茄猪扒米线好足料，好多新鲜蕃茄好健康，猪扒好浓味，不错。椰香多士我都推荐，面头焗过下，好香。食左两个餐埋单102蚊，帐单都写上素求，餐厅仲取消左八达通付款服务，良心人士开既店，支持！