耆素銀杏館 (已搬遷) 新店位置

店铺位于西港城旁边，铺头主张推动老人家就业，活到老学到老，理念非常难得。旁边仲有银杏士多，食完野可以买埋手信返屋企！唔知系咪因为系社企关系，连选店地址隔离都有间环保回收公司。店舖装修简单整洁，木餐枱配搭订购皮革沙发，感觉非常自然。自助吧可以自行拎水同汤。汤温度微暖，生津消暑，应该无添加味精之类。- 柏士图意大利饭（含五辛）用咗时令嘅意青瓜同西芹，入口爽脆，配搭罗勒同合桃令到风味升华，非常惹味。店舖除咗采用有机，仲主打无添加无味精来烹调食物，套餐配料都均衡地有素肉有菜，由此可见餐单系别出心裁所设计，物值甚高。而且理念非常好，好有意义，会再次光临同介绍俾朋友！