泰鳩

营业中

休息中

一早已经听过队长佢哋三兄弟开咗间泰国餐厅，上星期终于有机会去旺角试一试，原来餐厅喺油麻地站比较近啲，我哋一上到去竟然见到几只好可爱嘅狗狗，原来呢度欢迎宠物，感觉特别亲切。去泰国餐厅梗系要食炭烧猪颈肉啦，份量好足好大份，食入口好爽口，点埋泰式辣汁特别开胃。主菜我哋叫咗咖哩大头虾加薄饼，一上枱已经闻到好浓烈嘅咖喱味，虽然我觉得唔够辣，不过真系好香，大头虾真系好大只而且有羔，咖喱汁点埋新鲜香脆嘅薄饼一齐食，真系非常好食。另外冬阴功汤就饮得多，冬阴功用嚟煮鱼真系第一次试，原来味道好夹，而且好浓郁，条鱼亦都好滑，忍唔住叫咗个白饭嚟送，真系做得非常出色，我觉得绝对要试。啲人成日话明星店好睇唔好食，但我肯定呢间唔系，因为真心好食，不过而家今时今日嘅食肆都要大家多多支持先可以保留住，队长继续加油。