宮崎肉本舖 (已結業)

好耐无食烧肉，所以专登黎宫崎食返餐！拣了$698的特上放题，主要有4款A5宫崎牛，再任点2款宫崎牛，再加任食60款追加小食和饮品。因为一早订好位，所以可以坐到维园景的卡房，更加有私瘾度！如果生日或者特别聚会订座的话会加30分钟，再坐耐啲。 点到一台野食，好满足！放工最开心莫过于见到一枱美食！加$100可以任饮啤酒，但因为仲食紧药，所以留返下次再饮。精选A5宫崎和牛，部份包括：肩里肌、肩口肉、牛肋肉、内后腿肉、外后腿肉及五花腩。肉眼望得到，件件雪花都好靓，好肥美！烧肉前先食一啲沙律打底，蟹子沙律、薯仔沙律、麻酱豆腐，味道都十分不错，比得上出面居酒屋。再来天妇罗有南瓜、青椒仔、甜薯、茄子、大虾。炸鹌鹑蛋、生蚝、黑松露饺子、唐扬炸鸡等，都好高质。和牛当然系呢度嘅重点，呢个餐啲和牛其实好足够，二个人食了个拼盘，再encore了2转外后腿肉，仲加左鸡肾、牛肺等，已经好够。和牛雪花分明，肩里肌、肩口肉和牛肋肉最为肥美，真系入口即溶，内外后腿和五花腩就肉味较浓，油花比较分散，但款款都系好好食！！食下肉要间住食下白粟米、明太子牛油野菌、枝豆等，咁先食到更多！怕腻的可以点白饭，但我则点了龙虾汤饭去送肉！