響 - Hibiki 日本燒肉 (已結業)

今日终于带到屋企人嚟试呢间烧肉，一直都十分之推介！未食过嘅朋友就一定要去试吓，呢度嘅价钱虽然比出边嘅烧肉放题可能贵少少甚至一倍，但系食完之后你一定觉得物超所值，而且觉得非常满足！佢哋要分两个时段分别系5:30至8点另外一个系8点至到10:30，两个半钟话短唔短话长唔长，快乐嘅时间过得特别快，因为呢度嘅食物种类同埋饮品都非常之多，包你大开眼界，真系未试过有间放题可以连红酒、白酒、清酒、梅酒同柚子酒都系任饮可以同一班朋友，而且质素唔差，可以饮返够本，大快朵颐！二人同行首先会送波士顿龙虾二四人同行就会送喜次之，呢条喜次之系一条日本鱼，外表有啲似红衫鱼或者大眼鸡，烤大概7分钟，外皮有啲烧焦，但系肉质非常鲜甜而且少骨够新鲜。另外波士顿龙虾上枱嘅时候已经一分为二，好多虾膏蟹钳，仲可以开埋嚟食，好多蟹肉加埋少少柠角，入口味道真不错。期待再次同朋友来吃呢！