一鍋豐 (已結業)

创兴18楼开左个新嘅火锅店，上黎试吓，个场好大，好光猛。等位区都好舒适:叫左$288餐，一大枱野食，准备开动。刺身较少选择，得五款，质素一般啦，不过中式火锅有刺身任食，算系BONUS。有壳蚝，大大只，丰满润泽，多汁。一次性海鲜，海星斑、珊瑚蚌、鲍鱼仔、桂花蚌、象拔蚌仔……连象拔蚌肚（象拔蚌胆）都有，可以用黎熬汤，特别鲜甜架。手切安格斯牛小排每块都算厚，而且油脂分布都好均匀，食落软腍，重点连安格斯咁高质都任食，出面啲火锅店细细碟都一百几十啦，抵！顶级肥牛粒有肥有瘦，食落除左肉香仲有油香，果然系靓肥牛。重点又系任食，可以同时放几粒入口(已不顾仪态)，爽呀！日本带子白滑有光泽，大粒厚肉，鲜甜爽口。必食系海虾，三个餐都可以叫架。只只都又大只又新鲜，爽口弹牙。放题嘅虾好少咁高质，一定要encore多几次！芝士双响丸，第一次见呢种丸，成个黄色嘅嘴唇咁，味道有啲似粟米忌廉汤，甜甜地几特别。海蚬算鲜甜，但仲有啲沙，要扣分。雪柜有五个，饮品任拣。当中最特别嘅系「沙示」，儿时嘅味道，好耐冇见过，至于好唔好饮呢，真系见仁见智。粟米须茶，唔甜又解渴。适合打算长期作战嘅食客。雪糕机都有，有朱古力味同云呢嗱味。雪