影片
更多
2018-09-09
11224 浏览
餐厅提前15日预订平日晚市自助餐就可以以$288/人埋单，因此我们早在八月已经订座。餐厅环境不错，干净俐落，服务员都好有礼貌，食物更新得频繁，虽然唔系好高级，但都似酒店用餐的感觉。用facebook赞好可以赠饮冻金柑橘柠檬蜜，有少少薄荷叶清凉开胃，酸甜程度刚刚好。人均一份的原只冰镇日式玑煮鲍鱼会首先上枱，鲜鲍鱼都几大只，厚肉爽口弹牙好入味，而且肠脏个d全部已经清理好，好干净。海鲜区有青口，蚬，海虾，小龙虾同长脚蟹面包蟹，几种海鲜都算新鲜，我自己就食蟹食得最多。旁边仲有一杯杯沙律，方便懒人食客直接拎返自己位食。蟹脚好多肉，又方便食，就咁剪开两边，成条蟹柳就出左黎，蟹肉鲜甜唔散，咸咸地食唔停。蟹盖仲正，啲膏多到爆炸，啖啖甘香好满足，如果唔系怕胆固醇过高同埋肥，应该会食到饱为止。隔壁的沙律吧主要有沙律菜同羽衣甘蓝做base, 菜都几新鲜，3款基本沙律酱都够满足不同的需要。今次餐厅主题为味历亚洲，顾名思义有多种亚洲热食，韩国区有八爪鱼沙律，韩国年糕，炸鸡，煎饼等。个人最钟意八爪鱼沙律，弹弹的章鱼配上泡菜青瓜别有一番风味。泰国区有乌头鱼，猪肉生菜包，龙虾冬阴公汤，凤爪等。龙虾冬阴公汤都几有创意，
用facebook赞好可以赠饮冻金柑橘柠檬蜜，有少少薄荷叶清凉开胃，酸甜程度刚刚好。
人均一份的原只冰镇日式玑煮鲍鱼会首先上枱，鲜鲍鱼都几大只，厚肉爽口弹牙好入味，而且肠脏个d全部已经清理好，好干净。
海鲜区有青口，蚬，海虾，小龙虾同长脚蟹面包蟹，几种海鲜都算新鲜，我自己就食蟹食得最多。旁边仲有一杯杯沙律，方便懒人食客直接拎返自己位食。
蟹脚好多肉，又方便食，就咁剪开两边，成条蟹柳就出左黎，蟹肉鲜甜唔散，咸咸地食唔停。
蟹盖仲正，啲膏多到爆炸，啖啖甘香好满足，如果唔系怕胆固醇过高同埋肥，应该会食到饱为止。
隔壁的沙律吧主要有沙律菜同羽衣甘蓝做base, 菜都几新鲜，3款基本沙律酱都够满足不同的需要。
今次餐厅主题为味历亚洲，顾名思义有多种亚洲热食，韩国区有八爪鱼沙律，韩国年糕，炸鸡，煎饼等。个人最钟意八爪鱼沙律，弹弹的章鱼配上泡菜青瓜别有一番风味。
泰国区有乌头鱼，猪肉生菜包，龙虾冬阴公汤，凤爪等。龙虾冬阴公汤都几有创意，第一次见人咁样整。
日本区主要有寿司刺身同炸物，芝士牛肉卷用匙羹装住好的骰，味道都唔错，芝士同牛肉好香好夹。凉拌小吃包括带子裙边，八爪鱼，螺肉，每样食少少都好够喉。
刺身主要有三款，三文鱼，吞拿鱼同希灵鱼。服务员职场切俾你，每一件都切得几厚身，三文鱼厚同肥美。
寿司就系师傅即兴整，唔算特别多款，但系基本款都有，不时会更新，唔怕无得食。
中菜包括炒饭津白叉烧虾饺等等，好多种类多到食唔晒，肉松皮蛋豆腐好好食，豆腐好滑皮蛋好香，作为前菜会想食多两碟。
特色之一系即叫即整的喇沙面，师傅即场渌面，喇沙汤底好香椰奶味，面质好滑，虽然好饱肚但系都值得一试。
食饱饱就轮到第二个胃，甜品种类都算多，每件细细件试多几款都有quota。必试芒果椰汁糯米布丁，芒果甜，糯米布丁好浓椰奶味，果味奶味比起甜味更重，encore都可以。朱古力挞都好香浓朱古力味，又唔会太甜。整体来说甜品都唔错，唔会过甜，食一啖就唔想食。
近尾声的时候店员过来提醒我们有新鲜的梳乎厘食，绿绿地色应该系斑兰味，表面少少脆，里面好有空气感，热辣辣新鲜食系唔同啲。
餐厅仲有自助pancake机，太饱无食到，但系睇落几方便。
自己勺的雪糕系movenpick!! 有雪条都冇食到，朱古力味的movenpick好浓朱古力味，浓而不过甜，仲有好多朱古力碎，好有口感。
张贴
