燒肉牛蔵 (已結業)

天气冻，经过iSquare想揾啲热嘢食，见到佢呢度有放题嘅牛食，除咗牛仲有好多唔同款嘅肉，同埋唔同款嘅小食，价钱又唔算贵，所以就入咗去食。入到去，我哋坐咗系卡位𠮶边，佢会先上一碟拼盘俾我哋，入边有猪牛鸡，同埋蔬菜。我估系一啲比较靓嘅牛，佢每样都会有两三件，然后上面好细心有一个牌话俾你知佢每一旧系啲咩嚟。因为佢呢个细心嘅举动，之后再返叫嘅时候就可以记住自己之前试过系边一款钟意，然后先再叫，唔使浪费嘢食。至于饮品，佢有一个饮品柜俾你攞，而甜品柜亦都有雪糕雪条咁。选择都算多同正常。品质方面，啲牛确实系高水准，牛舌系一赞！有肉味，而且有足够油脂，用黎煎一流。另外佢个香草腌的鸡系好味，连我呢个平时唔好鸡肉的人都要大encore 😆唯一美中不足嘅系佢个沙律，比较起上嚟有啲唔系太新鲜。除此之外，每一样都唔错。