影片
更多
2016-03-31
447 浏览
㖊日响网上见到新出芝士锅，作为芝士控既我同老公，当晚即去西环分店试，点知成间铺都迫满人，枱面又堆满碗碟，无人执嘢好似打仗咁乱 ，但为咗试新嘢，就唯有当咩都睇唔到。。。火山芝士鸡锅$59.9 (跟乌冬+面豉汤)锅入面有几件烧鸡、青黄椒约有10件、芝士汤+碎芝士少许，原来新作系要食晒锅入面d鸡，然后放一碗所谓汤落锅度渌乌冬/面之类。之前已经听到有人话芝士好易黐底，我已经醒目不停搅同捞底，点知到最后都难逃黐底一劫，成个汤都系㶶味 ，无奈地继续渌埋个乌冬，点知个乌冬又冰又大件，根本分唔到两件放落锅，又唯有成个落等佢慢慢溶啦！其实食呢个锅其间，不停听到有人话＂哎呀又㶶咗啦＂同”好臭呀”，讲真我都觉得十分＂火罗”，好辛苦哽晒就即刻走人。。。走咗并唔代表事情结束，d㶶味仲留响成个口腔里面，要即刻去ｍ记食返个薯条辟味，事情继而发展为肚疴，不止我一个，连我老公都觉得有d肚绞，今次真系中伏非常！ 后记：我觉得今次最败笔系用不锈钢锅啰！
火山芝士鸡锅$59.9 (跟乌冬+面豉汤)锅入面有几件烧鸡、青黄椒约有10件、芝士汤+碎芝士少许，原来新作系要食晒锅入面d鸡，然后放一碗所谓汤落锅度渌乌冬/面之类。之前已经听到有人话芝士好易黐底，我已经醒目不停搅同捞底，点知到最后都难逃黐底一劫，成个汤都系㶶味 ，无奈地继续渌埋个乌冬，点知个乌冬又冰又大件，根本分唔到两件放落锅，又唯有成个落等佢慢慢溶啦！其实食呢个锅其间，不停听到有人话＂哎呀又㶶咗啦＂同”好臭呀”，讲真我都觉得十分＂火罗”，好辛苦哽晒就即刻走人。。。走咗并唔代表事情结束，d㶶味仲留响成个口腔里面，要即刻去ｍ记食返个薯条辟味，事情继而发展为肚疴，不止我一个，连我老公都觉得有d肚绞，今次真系中伏非常！
后记：我觉得今次最败笔系用不锈钢锅啰！
张贴
