上班族 (已結業)

lunch食左豬扒包餐 配蟹籽沙律+$4有罐可樂Total$42豬扒包好香，個蛋同洋蔥炒得非常之靚，好似炸咁！對一般女仔黎講好夠食，但食量大少少就會覺得個包太細。外賣嚟講，要徒手揸住個包食唔係咁方便，可能要好似漢堡包快餐店咁有張紙包住半個包會好啲。沙律未拌勻，但係個醬好杰，個碗仔又只係啱啱好放滿咗啲菜，令食用時有啲困難。解決方法係食完個包之後，用佢個兜嚟拌沙律。但係沙律應該係前菜嚟㗎嘛？啲菜（青瓜絲同蘿蔔絲）係好新鮮，好食嘅。整體嚟講都唔錯嘅，會再試吓其他食物。