群記清湯腩 (已結業)

今日入左去大埔补习，难得呢个时间群记唔洗排队，当然要入去食啦。平时星期六一定排大队，星期日仲要唔开嘅群记，都可以算系香港数一数二嘅清汤腩专门店。九记个d就唔好提啦，能够同群记比，应该都只有华姐清汤腩。本身谂住叫个牛爽腩米，皆因佢d爽腩肥瘦适中，油香阵阵，之前食过都好回味，可惜今日迟左去，已经沽清，唯有叫个牛面珠啦。牛面珠米讲下个汤先，汤底牛味好香浓，食落有d胶质浆住个口，食得出汤底真材实料。牛面珠肉质非常嫩滑，一梳梳，食落比牛腩淋身，肥膏非常少，相对爽腩健康。唯独牛味较重，怕骚嘅可能未必岩。总括来说，群记都算系有水准的清汤腩，值得翻食