西關老祖 (文苑樓)

营业中

休息中

佐敦渡船街附近最近开咗一间小食店，个名叫西关老祖，走进呢条小小嘅文苑街上，你就会发现柳暗花明又一村。小店主要做外卖为主，门外摆设亦甚有特色。呢度都不乏自家制招牌菜。想试嘅朋友请注意，呢度系唔收现金。店内设有自助点餐机，可以有多种电子支付方式付款。我从来食𠮶方面都系贪心，所以都点咗几样招牌菜试吓，其中呢个炸黑毛猪肉粽炸得非常香脆，觉得好似食紧薯饼咁，而糭入面嘅绿豆蓉经过油炸之后变得外脆内软，绝对值得一赞！爆炒XO酱肠粉用上潘记肠粉，再配合佢哋嘅自家制XO酱，入面有虾米、干贝、金华火腿、银鱼仔、仲有唔同调味酱料混合而成，甚有风味。爆炒XO酱萝卜糕嘅萝卜糕同样系佢哋自家制，配合佢哋自家制嘅XO酱同样有特色。老祖黑松露炒蛋炒得够滑，而且仲有大量黑松露，滑蛋中啖啖渗透住黑松露嘅香味。估唔到一间小食店可以做埋盆菜，下次屋企有party或者要做节都可以考虑吓。