HIKARI

营业中

休息中

餐厅行木系文青风格，落地玻璃门投射阳光入嚟感觉好舒服。午市有二人lunch set $338，可以拣一款小食，两款main，两杯饮品，甜品就可以另外以优惠价加配。我哋两个女仔惊食唔晒，又觉得甜品比小食更吸引，于是最后散叫咗冇叫餐。唔饮咖啡嘅我一向去Cafe 都系叫焙茶latte，呢杯香月园焙茶又真系几香，浓淡适中，仲有好可爱嘅狗狗拉花。朋友叫咗一杯Dirty ，我就唔识饮咖啡，但同我想像中嘅Dirty唔系好似样😂嘢食好快嚟齐，我哋叫咗一份云吞同一份意大利饭。呢个黑松露云吞系非常之香，重忌廉，不过有啲菠菜馅中和下，一啖接一啖停唔到口。好少系出边食呢种云吞，个皮好烟韧有嚼口。如果可以多啲菇仲好，因为好好食。酱油渍意大利饭都几浓味，不过配埋顶头嘅三文鱼子都好夹，一食你就会知落咗海胆酱，因为海胆有些微苦味有啲失色。但整体都ok。叫埋份甜品填饱第二个胃😆焦糖脆脆饼冇得输啦，中间嘅吉士都好正，但下面嘅Tiramisu我就觉得太酸太苦。一定要捞埋啲焦糖酱食先得。