草民 (已結業)

一入门口就有一种清新嘅文青气息,因为餐厅用咗青苹果绿同白色做主调,天花挂咗好几棵植物,又播住柔和嘅音乐,成间餐厅充满着年青气息。我哋一行五人,三人一台,二人另一台,合晒防疫规则。我哋每人叫咗一杯嘢饮,又叫咗好多嘢食,全个晚餐十分丰富。先上个salad,清新味度。蟹肉意粉用咗虾汁煮,蟹肉又够多,浓厚嘅味道令我难忘,果然系招牌菜。至于猪肋骨,肉质够晒淋,唔似其他西式餐厅咁,通常偏咸,佢就味道适中,同个source配合得恰到好处,我个人十分欣赏;要弹嘅地方系略嫌份量细左少少啫。仲要讲一讲过risotto, 磨菇味系够晒,但系无可否认啲饭好似硬咗少少,可能厨师今次有啲啲失手,否则就系"冇得弹"。我哋每人都叫咗一杯饮品,全部都好味,达到80分以上。我要赞一赞我杯热饮,有只好可爱嘅公仔,原来佢肚腩就系装住茶叶,令呢杯单调嘅茶可爱起来。最后到甜品,"绿茶心太软"真系好正,但饭友叫错左朱古力雪糕,绿茶味无辜被掩盖了😑。我哋仲叫左一个柚子窝夫,窝夫格仔里面有切咗粒嘅青提子,令甜度增加少许酸味,醒胃咗,唔会甜得黎太漏,好明显厨师系用心思设计过配搭;只轻叹呢个甜品等得太耐,差d以为佢漏单啰。总括两个字~好味