古朴年代咖啡．酒館 (已結業)

星期六晚约咗朋友喺「古朴年代咖啡·酒馆」食饭庆祝生日，虽然地方唔算大，但店内嘅环境同气氛都好好。我哋5个人点咗小食、沙律、意粉、Pizza，份量唔多，不过味道属中上。食完主菜后，我哋点咗个心太软甜品，因为有朋友就嚟生日，所以问职员可唔可以喺碟上面写「Happy Birthday」，职员亦好nice即刻答应餐厅逢星期五、六或日晚都会有音乐会，当晚8点9左右就见到有队本地band到场准备，9点准时献唱，不过我哋听咗一首歌就赶时间离开咗餐厅，钟意音乐嘅朋友不妨拣假日嚟一边食饭一边听听音乐，度过一个愉快嘅晚上